Umr go’yoki bir uzun temir yo’li…
Undagi bekatlar-turfa, rang-barang, mahzun va
asosiysi, o’z dunyosiga ega. Har bir bekat sen uchun yangi bir olamni kashf
etish mumkin. Sening harakatlaring natijasida esa bu olam goh yaxshi, goh yomon
tarafga o’zgarib boraveradi. Ana shu olamlar ichida eng a’losi va mazmunlisi bu
- Yoshlik bekatidir. Bu bekatda kimlardir quyosh nuri kabi taralayotgan
ma’rifat ziyosi tomon odimlasa, yana kimlardir manqurtlik botqog’i tomon qadam
tashlaydi.
Bugungi kunda yurtimizdagi minglab yoshlar, o’z bilim,
iqtidori bilan mamalakatimiz va hatto
dunyo ahlini lol qoldirayotgani sir emas, albatta. Ular erishayotgan yutuqlar,
zabt etayotgan marralarni ko’rib qalbingda faxr-iftixor tuyg’usi jo’sh uradi, ota-onasiga
tashakkurlar aytging keladi. Ammo…
Ammo, ba’zida yoshlarimizning salbiy illatlar
ta’siriga tushib qolishi, butun jahon yoshlarinin giyohvandlik, ichkilikbozlik,
odam savdosi, jinoyatchilik, terrorizm kabi daxshatli illatlar o’z domiga
tortayotgani sir emas, albatta. Buning natijasida ularning fikrlash doirasi,
qilayotgan ishlari, butkul o’zgarib, faqat ma’lum bir maqsad-o’z xumorlarini
qondirish, mo’may daromad topish va aldovchi kimsalar beradigan topshiriqlarni
bajarishdan iborat bo’lib qoladi. Bu esa ularni manqurtlik botqog’iga yetaklashi
shubhasiz!
Shu bois yoshlarimizni xalokatli jar yoqasidan
qutqarish maqsadida O’zbekiston yoshlar ittifoqi ham bir qancha
chora-tadbirlarni amalga oshirib kelmoqda. Maktab, akademik litsey, kollej,
oliygoh o’quvchi va talabalari, uyushmagan yoshlar uchun bir qator aksiyalar,
tadbirlar, ochiq muloqotlar, davra suhbatlari, o’quv-seminarlar tashkil etib
kelinmoqda.
Ana shunday davra suhbatlaridan biri viloyat Kengashi
tomonidan Qarshi shahridagi bir qancha akademik litsey va kasb-hunar kollejlari
o’quvchilari uchun tashkil etildi. Ushbu yig’ilishda Viloyat Kengashi raisi
Sh.Sattorov, bo’lim mudiri Mahliyo Shukurova, viloyat Press klub yetakchisi
Shohruh Haydarov, Siyosiy-huquqiy ishlar yo’nalishi yetakchisi Iroda Ismatovalar
ishtirok etdi.
Suhbatda ishtirok etgan kollej, litsey yetakchilari
ham o’zlarining taklif va loyihalarini aytib o’tishdi. Muammolarning yechimi
bo’yicha o’zaro savol-javoblar o’tkazilib, bir-birlari bilan fikr almashishdi. Shuningdek,
muloqot davomida “Keyingi bekat” nomli qisqa metrajli film namoyish etdildi.
Shohruh Haydarov, Qarshi axborot texnologiyalari kasb-hunar
kolleji o’quvchisi.
Комментариев нет:
Отправить комментарий