Qashqadaryo viloyatida ham bolajonlarning yozgi ta’til
mavsumlarini mazmunli tashkil etish maqsadida O‘zbekiston yoshlar ittifoqi
viloyat Kengashi qoshidagi “Kamalak” bolalar tashkiloti tomonidan barcha
bolalarni sog‘lomlashtirish oromgohlarida “Yozni “Kamalak” bilan” loyihasi
tashkil etib kelinmoqda.
- Loyiha yoz mavsumida yoshlar va bolalarning bo’sh vaqtlarini
mazmunli tashkil etish, ularni sog’lom turmush talablari asosida va
harbiy-vatanparvarlik ruhida tarbiyalash, bolalar orasida sportning ommaviy
turlarini keng targ’ib qilish, siyosiy-huquqiy va diniy-ma’rifiy
dunyoqarashlarini shakllantirish hamda ma’naviy hordiq olishlarini samarali
tashkil etishni o’z oldiga maqsad qilgan, - deydi viloyat “Kamalak” bolalar
tashkiloti raisi N.Nazarova.
Bolajonlarni sportga bo‘lgan qiziqishlarini yanada
kuchaytirish, ular o‘rtasida o‘zaro sog‘lom turmush-tarzini targ‘ib etish
maqsadida ham guruhlar kesimida “Quvnoq estafeta” sport tadbirlari tashkil
etilib, g’olib va faol ishtirokchilar rag’batlantirilib borilayotganligi ham
tahsinga loyiq.
Ayniqsa, kechki madaniy va ko’ngilochar tadbirlarda viloyat
sardorlar Kengashi tomonidan sahnalashtirilgan badiiy chiqishlar barchaga
birdek manzur bo’lmoqda.
Loyiha davom etmoqda.
Ahror Sodiqov.
Комментариев нет:
Отправить комментарий