Rais o’rinbosari: Har bir xodim o’zi tahsil olgan ta’lim muassasasini namunali xolatga keltiradi

Avval xabar berganimizdek, viloyat Kengashi raisining rasmiy topshirig’iga asosan, joriy yilning 31-yanvar va 1-fevral kunlari Qashqadaryo viloyatida "Boshlang‘ich tashkilot yetakchilari bilan ochiq muloqot o‘tkazish kuni" yuqori saviyada tashkil etildi.

Yoshlar ittifoqi viloyat Kengashi raisi o’rinbosari Sobirjon Musulmonov G’uzor va Qamashi tumanlaridagi Yoshlar yetakchilari bilan ochiq muloqotga kirishdi.

- Faoliyatimizni tanqidiy ko’rib chiqish vaqti keldi, - dedi rais o’rinbosari. – Endilikda tuman Kengashi xodimlari o’zlari tahsil olgan ta’lim muassasasini namunali xolatga keltirishdan boshlaydi. Harakat bizdan boshlanishi kerak. Kerak bo’lsa, o’zim ham tahsil olgan maktabimga har hafta boraman. Ming afsuslar bo’lsinki, hali ham yetakchilar ko’p dars qoldiruvchi va qoloq o’quvchilar bilan yaxshi ish olib bormayapti.

Ahror Sodiqov.