Nilufar Nazarova: Minbarga chiqib, chiroyli rasmga tushish uchun keldim(mi?)

Muborak va Chiroqchi tumanlarida ham Yoshlar yetakchilari bilan ochiq muloqotlar xuddi Kasbi, G'uzor va Qamashi tumanlarida bo'lgani kabi tanqidiy ruhda o'tdi.

- Men minbarga chiqib, chiroyli rasmga tushish uchun kelmadim, - dedi viloyat Kengashi raisi o’rinbosari, viloyat “Kamalak” bolalar tashkiloti raisi N.Nazarova. – Prezidentimiz yoshlar masalasini davlat siyosati darajasiga ko’tarib,  qo’llab turgan bir paytda, biz e’tiborsiz bo’lishimiz mumkinmi? Men sizlarni yoshlar masalasida har tomonlama chaqqon va tezkor bo’lishlaringizni, sizlar tanimagan, sizlarni tanimagan mahalla yoshlari bo’lmasligini xoxlayman. Kelajak avlod uchun qiladigan ishlarimiz samarali bo’lishi kerak!

Ma’lumot o’rnida shuni aytish joizki, bugungi kunda viloyatimizda 1900 dan ortiq boshlang’ich tashkilotlar mavjud. Ularda faoliyat yuritayotgan Yoshlar yetakchilari oylik maosh va shart-sharoitga ega xonalar bilan ta’minlangan. Faqat, ishlash, ozroq Vatan uchun jon koyitish kerak, - deb kuyunib gapirdi rais o’rinbosari.

Shuningdek, Chiroqchi tumaniga borgan viloyat Kengashi bo’lim mudiri Abror Rahmonov ham Yoshlar yetakchilarini faollikka chaqirib, yoshlarimizni porloq taqdiri uchun yurakdan xizmat qilishga, mana shunday tinch va farovon kunlarni kelajak avlodga ham yetkazishimiz kerakligini ta’kidladi.

P/S/: O’ylaymizki, bu tanqidlar bekorga emas. Hammasi ertangi kelajagimiz egalari bo’lgan yoshlarning porloq taqdiri uchun. Demak, barchamiz birlashaylik!

Ahror Sodiqov.