Qashqadaryoda BT yetakchisi, “Ittifoq” va “Kamalak” Sardorlari bormi? Sado ber, qayerdasan?

O’zbekiston yoshlar ittifoqi Markaziy Kengash raisi o’rinbosari O’.Shukurov Qashqadaryo viloyatida bo’lib, Boshlang’ich tashkilot yetakchilari uchun o’quv-seminar tashkil etdi.

Mazkur o’quv-seminarlarda asosan, yoshlarga oid davlat siyosatining amalga oshirilishi, Yoshlar yetakchilari faoliyatini qo’llab-quvvatlash va yoshlar ta’lim-tarbiyasiga e’tibordan chetda qolayotgan jihatlar haqida so’z bordi.

Shuningdek, ta’lim muassasalaridagi boshlang’ich tashkilotlar faoliyati ham o’rganildi.

Barcha tuman va shaharlarda tashkil etilgan o’quv-seminarlar so’ngida Yoshlar yetakchilari bilan ochiq muloqot ham tashkil etildi. Muloqotlar anchayin tanqidiy ruhda o’tdi.

- Tuman “Kamalak” raislari nima ish qilayotganini bilmasa, o’zi bilmagan narsa haqida boshqalarga nima deyishi mumkin?, - dedi raisi o’rinbosari kuyunib. - Ta’lim muassasasida ta’lim sifatini (mas’uliyatsiz o’qituvchilar haqida so’z bormoqda) yaxshilamagan, doimiy dars qoldiruvchi o’quvchilarning muammolari va mahalladagi uyushmagan yoshlarning bandligi bilan shug'illanmagan Yoshlar yetakchisi o’z vazifasidan ozod etiladi. Qashqadaryoda BT yetakchisi, “Ittifoq” va “Kamalak” Sardorlari bormi, o’zi? Ahvol bunchalik achinarli ekanligini bilmagandim.

Hurmatli yetakchilar!

Yuqoridagi tanqidlar o’rinli.

Vijdonan ishlash vaqti keldi.