Ilk bor jazoni ijro etish muassasasida Yoshlar yetakchisi ish boshladi

Avval xabar berganimizdek, O‘zbekiston yoshlar ittifoqi Markaziy Kengashi, O‘zbekiston Respublikasi Mudofaa vazirligi, Ichki ishlar vazirligi, Favqulodda vaziyatlar vazirligi, Milliy gvardiya va Milliy xavfsizlik xizmati hamda Davlat bojxona qo‘mitasi bilan Qo‘shma Qaror imzolagan edi.

Qo‘shma qaror ijrosini ta'minlash maqsadida Qashqadaryo viloyat Ichki ishlar boshqarmasi jazoni ijro bo‘limi 64/49-sonli muassasasida O‘zbekiston yoshlar ittifoqining boshlang‘ich tashkilotini tuzish bo‘yicha Ta'sis yig‘ilishi bo‘lib o‘tdi.

Ushbu Ta'sis yig‘ilishida O‘zbekiston yoshlar ittifoqi viloyat Kengashi raisi, muassasa boshlig‘i va 30 yoshgacha bo‘lgan xodimlar ishtirok etishdi.

Muassasaning Yoshlar yetakchisi lavozimiga tavsiya etilgan 3 nafar nomzodddan eng ko‘p ovoz to‘plagan Usmonjon Xolmo‘minov ushbu lavozimga loyiq deb topildi.

- Endilikda jazoni ijro etish muassasasida ish boshlaydigan  Yoshlar ittifoqi yetakchisi muassasaning yosh xodimlari va yosh mahkumlarning muammo va tashvishlari bilan o‘rtoqlashadi, - deydi viloyat Kengashi raisi Shomurod Sattorov. - Shuningdek, ishchi-xodimlarni har tomonlama yetuk kadrlar bo‘lib yetishishlarini ta'minlash maqsadida turli xil sport musobaqalari, ma'daniy-ma'rifiy va ko‘ngilochar tadbirlarni tashkil etadi.

Shundan so‘ng, Yoshlar ittifoqining viloyat Kengashi raisi va muassasa boshlig‘i bilan yosh xodimlarning ochiq muloqoti tashkil etildi.

Ahror Sodiqov.