Qashqadaryo Yetakchilar Kengashi aprel oyida ham faollikni to'xtatmaydi

O'zbekiston yoshlar ittifoqi Qashqadaryo viloyat Yetakchilar Kengashi tomonidan aprel - "O'rta maxsus ta'lim muassasalari boshlang'ich tashkilot yetakchilari va Yetakchilar Kengashi a'zolarining tengdoshlari bilan ishlash samaradorligini oshirish oyligi" doirasida joriy yilning 10-aprel kuni viloyatning tuman(shahar) Yetakchilar Kengashi uchun o'quv-seminar o'tkazildi.

Seminar davomida har bir yetakchining oylik doirasida qanday ishlarni amalga oshirishi kerakligi bo'yicha takliflari va ular uchun to'siq bo'ladigan muammolar to'g'risida so'z bordi. Shuningdek, mazkur oyda viloyat yetakchilari "Eng yaxshi audio asar", "Eng ajoyib yakshanba" va "Mehrli maktublar" kabi yangi loyihalar va 11-18-aprel kunlari o'tkaziladigan safarbarlik kunlari xususida ham bir qancha maqsadli ishlarni amalga oshirishga kelishib olindi.

Shohruh Haydarov.