Барча вилоятларда бўлгани каби Қашқадарё вилоятида
ҳам Ёшлар бандлигига кўмаклашиш хафталиги доирасида бўш иш ўринлари
ярмаркалари, учрашув ва бизнес саёҳатлар ташкил этилмоқда.
Бундан асосий мақсад – ёшлар, айниқса, доимий иш
билан банд бўлмаган ёшлар, хорижий давлатлардан ишлаб қайтган меҳнат
мигрантлари, олий таълим муассасалари битирувчилари ва ҳарбий хизматдан қайтган
ёшларимиз бандлигини таъминлаш, уларни доимий касб-ҳунарга йўналтириш ва турмуш
шароитларини янада яхшилашдан иборатдир.
Вилоятнинг туман ва шаҳарларида ташкил этилаётган
меҳнат ярмаркалари давомида нуфузли тадбиркорлар билан учрашувлар ва бизнес
саёҳатлар уюштириш ҳам бежиз эмас, албатта.
- Ҳафталик давомида фақат ва фақат ёшлар бандлигини
таъминлаш борасида амалий натижалар учун ишлаймиз, - дейди Ёшлар иттифоқининг
вилоят Кенгаши бўлим мудири Музаффар Аҳмедов. – Ва бу анъанани доимий равишда
сақлаб қоламиз. Бу борада ҳамкор ташкилотларнинг ҳам ўрни катта аҳамиятга эга.
Биз ҳам 19-24 ноябрь кунлари давомида ташкил
этилаётган ҳафталикдан амалий натижаларни кутиб қоламиз.
Комментариев нет:
Отправить комментарий